Google ընկերությունը սկսել է «խելացի գդալների» (Liftware Spoon) վաճառքը: Ինչպես հաղորդում է The Guardian-ը, այդ գդալները նախատեսված են Պարկինսոնի հիվանդությունով տառապող մարդկանց համար: Դողացող ձեռքերով մարդիկ այսուհետեւ կարող են ինքնուրույն սնվել, առանց սնունդը թափելու:
Այս սարքը 76 տոկոսով կրճատել է գդալի ցնցումները: Մինչեւ այս այլ սարքեր եւս հարմարեցվել են Պարկինսոնի հիվանդությունով տառապող մարդկանց օգտագործման համար, բայց «խելացի գդալը» նորություն է:
Google ընկերության մամուլի քարտուղար Քեյթլին Ջաբարին հայտնել է, որ «խելացի գդալները» իրենք վաճառքի են հանել, որպեսզի օգնեն մարդկանց առօրյա կյանքում:
The Guardian-ի փոխանցմամբ՝ Google-ի համահիմնադիր Սերգեյ Բրինի մայրը եւս տառապում է Պարկինսոնի հիվանդությամբ: