Հանրապետական խմբակցությունում այսօր՝ նոյեմբերի 27-ին, կայացած նիստին ծավալվել է բուռն քննարկում Հայաստանի՝ ԵՏՄ անդամակցության պայմանագրի շուրջ: Այս մասին NEWS.am-ի թղթակցի հետ զրույցում ասաց ՀՀԿ խմբակցության քարտուղար Հովհաննես Սահակյանը:
Նա նշեց, որ ֆինանսների փոխնախարար Սուրեն Կարայանը պայմանագիրը ներկայացրել է խմբակցությունում, ծավալվել է քննարկում, հնչել են հարցեր, տրվել են պատասխաններ: Հարցին, թե դեմ արտահայտվող եղել են, թե ոչ, խմբակցության քարտուղարը պատասխանեց, որ դեմուկողմի խնդիր չի եղել, եղել է աշխատանքային քննարկում: Դիտարկմանը, թե փաստարկներով եւ հակափաստարկերով զինեցին ՀՀԿ-ականներին, որպեսզի առաջիկա քառօրյային դիմագրավեն ընդդիմադիրներին, Հովհաննես Սահակյանը նշեց. «Խնդիրը պատգամավորներին փաստակներով պատրաստելը չէր, մենք հասկանում ենք՝ ինչ նշանակություն ունի այդ հարցը մեր պետության համար, պետք էր մեկ անգամ եւս աշխաանքային կարգով հարցի քննարկումը ներկայացնել, ինչն էլ արել ենք, զինվել, չզինվելու խնդիր չկար, մարդիկ իրենց մահոգող հարցերն են տվել»: