ԱՄՆ դոլարի կտրուկ թանկացումը եւ դրամի արժեզրկումը ավելի է վտանգելու խոցելի խավին, եթե գործադիր իշխանությունները որոշակի քայլեր չձեռնարկեն: Այս մասին NEWS.am-ի թղթակցի հետ զրույցում ասաց տնտեսագետ, նախկին պատգամավոր Վարդան Բոստանջյանը
Նա նշեց, որ դոլարի թանկացումը հայ արտըադրողների համար որոշակի հնարավորություններ կստեղծի, բայց խոցելի խավը ավելի կվտանգվեն, եթե իշխանությունները որոշակի քայլեր չձեռնարկեն: «Հայրենական արժույթի արժեզրկումը ունի իր դրական կողմը՝ պայմանավորված նրանով, որ մեր արտադրողների եւ գործունեություն ծավալողների համար դրական միտումներ է ստեղծում, իսկ խոցելի խավի համար՝ դժվար պայմաններ: Դրական այն է, որ մեր տնտեսական գործունեությունը գտնվում է սպագմացիոն վիճակում, լռված ենք, չենք կարողանում աշխատել, հայկական դրամը արժեզրկված վիճակում պետք է լիներ, որպեսզի արտադրողները կարողանան հետագա գործունեություն ծավալել: Բացասականն էլ այն է, որ խոցելի խավի համար, որը պաշտոնական թվերով 900 հազարի է հասնում, նրանց համար վատ է լինելու: Եթե իշխանությունը կարողանա գտնել ճանապարհներ այդ խոցելի խավը վատ վիճակի մեջ չգտնվի, դա ժամանակավորապես մեր երկրի համար կունենա որոշակի դրական ազդեցություն»,-ասաց տնտեսագետը: