Արմավիրի մարզում այսօր՝ նոյեմբերի 27-ին ողբերգական դեպք է տեղի ունեցել. հիվանդանոց տեղափոխվելու ճանապարհին մահացել է Մայիսյան գյուղի բնակիչ, 15-ամյա Առնակ Հարությունյանը:
NEWS.am-ի հետ զրույցում Մայիսյանի գյուղապետ Եսայի Մովսիսյանը հայտնեց, որ երեխան 5 օր առաջ էր վերադարձել Ռուսաստանի Դաշնությունից:
«Մահվան պատճառները հայտնի չեն, նշանակվել է դատաբժշկական փորձաքննություն: Իմ տեղեկություններով՝ երեխան ջերմություն եւ քոր է ունեցել, մայրը ինչ-որ բան է քսել, ինֆեկցիա է անցել, ու էդպես երեխայի ինքնազգացողությունը վատացել է»,- ասաց նա:
Փաստի առթիվ ոստիկանության Մեծամորի բաժնում նյութեր են նախապատրաստվում:
