Ամերիկյան Ֆլորիդա նահանգում ավագ դպրոցի երկու աշակերտի ձերբակալել են՝ մոտակա դպրոցներից մարմնավաճառների ցանց ձեւավորելու կասկածանքով:
15-ամյա Ջուլիան Մատենին եւ 17-ամյա Ալեքս Նիկոլ Դե Արմասին մեղադրում են թրաֆիքինգի մեջ: Իշխանությունները նրանց հանցավոր գործունեության մասին իմացել են այն բանից հետո, երբ մի քանի աշակերտուհիներ նրանց դեմ բողոք են ներկայացրել դպրոցի ղեկավարությանը: Աղջիկները պատմել են, որ իրենց նույնպես փորձել են ներգրավել մարմնավաճառության գործում: Այս մասին գրում է «People Magazine»-ը:
Աշակերտների խոսքով, Մատենն ու Դե Արմասն իրենց «բիզնեսը» համակարգել են սոցիալական ցանցերի միջոցով: Սեռական ակտի արժեքը տատանվել է 50-100 դոլարի սահմաններում, իսկ մարմնավաճառներին բաժին է հասել վճարի 40%-ը: