Հոլիվուդյան աստղ Թոմ Հենքսը եւ նրա կինը՝ Ռիտա Ուիլսոնը, վարելու են ԱՄՆ-ի գլխավոր տոնածառի լույսերը վառելու արարողությունը: Այն կայանալու է դեկտեմբերի 4-ին, Վաշինգտոնում, Սպիտակ տան դիմաց գտնվող սիզամարգում:
Ըստ CNN-ի, միջոցառումն ուղեկցվելու է տարբեր երաժիշտների ելույթներով:
ԱՄՆ-ում գլխավոր տոնածառի լույսերը վառելու արարողությունն այս տարի անցկացվելու է 92-րդ անգամ: Առաջին անգամ նման միջոցառում կազմակերպվել է 1922 թվականին, ԱՄՆ 30-րդ նախագահ Ջոն Քելվին Քուլիջ-կրտսերի նախաձեռնությամբ:
Թոմ Հենքսը կարիերան սկսել է որպես երգիծական կինոդերասան, սակայն «Օսկար»-ի արժանացել է «Ֆիլադելֆիա» եւ «Ֆորեսթ Գամփ» ֆիլմերում դրամատիկ դերերի համար: Դերասանը Ռիտա Ուիլսոնի հետ ամուսնացել է 1988 թվականին: Նրանք երկու երեխա ունեն: