Հայկական բարեգործական ընդհանուր միությունը (AGBU) ներկայացրել է «Հայկական լեռնաշխարհ» գիրքը, որը հայոց պատմության եւ մշակույթի մասին պատմող էլեկտրոնային գրքերի շարքից առաջինն է:
Էլեկտրոնային գիրքը 7 լեզվով է. արեւելահայերեն, արեւմտահայերեն, անգլերեն, ռուսերեն, ֆրանսերեն, իսպաներեն եւ թուրքերեն: Այս մասին գրում է «Armenian Weekly»-ն:
«Հայկական լեռնաշխարհ»-ը Հայաստանի պատմության եւ աշխարհագրության մասին է՝ հին ժամանակներից մինչեւ մեր օրերը: Տեքստի հետ միասին գրքում ներկայացված են գունավոր նկարներ, աուդիո նյութեր, տեսանյութ, 3D համայնապատկերներ, թեստեր եւ ինտերակտիվ քարտեզներ:
Գիրքը հասանելի է ներբեռնման համար, պլանշետների եւ սմարթֆոնների համար՝ անվճար:
