Առաջիկա շաբաթներին Պենտագոնը կազատի Գուանտանամոյում ԱՄՆ ռազմածովային ուժերի կայանի բանտի եւս մի քանի կալանավորների, հայտնում է ՏԱՍՍ-ը:
Ըստ աղբյուրի՝ ԱՄՆ ՊՆ-ն անցյալ շաբաթ այդ հատուկ բանտից ազատել էր հինգ բանտարկյալի. նրանցից երեքը հանձնվել են Վրաստանին, եւս երկուսը՝ Սլովակիային: Հայրենիքում նրանց համար մշակվել են վերականգնողական հատուկ ծրագրեր:
Պենտագոնը հասկացրել է, որ դեկտեմբերին նոր ազատվողներ կլինեն, սակայն հրաժարվել է նշել, թե քանի բանտարկյալի մասին է խոսքը եւ որ երկրների քաղաքացի են նրանք: Վերջերս ԱՄՆ Կոնգրեսի Ներկայացուցիչների պալատի զինված ուժերի գործերով հանձնաժողովի նախագահ Բաք Մաքքեոնը ուղերձ էր հղել պաշտպանության նախարար Չակ Հեյգելին, որում անհանգստություն է հայտնել Գուանտանամոյից ազատվող կալանավորների թվի կտրուկ աճի կապակցությամբ:
Գուանտանամոյում ներկայումս կա 143 կալանավոր: