Հռոմի պապը եռօրյա այցով մեկնում է Թուրքիա: Օդանավակայանում հանդիսավոր դիմավորումից հետո պապի գլխավորած պատվիրակությունը կուղեւորվի Աթաթուրքի դամբարան, այնուհետեւ Ֆրանցիսկոսը կհանդիպի Թուրքիայի նախագահ Էրդողանին՝ նախագահական նոր պալատում, փոխանցում է «ՌԻԱ Նովոստին»:
Նոյեմբերի 29-ին Հռոմի պապը կմեկնի Ստամբուլ: Այնտեղ նա կայցելի քրիստոնեական գլխավոր սրբատեղի Սուրբ Սոֆիայի տաճար, այնուհետեւ Ստամբուլի կենտրոնական մզկիթ, կաթոլիկական տաճար եւ հունական պատրիարքարան: Նա նաեւ կհանդիպի Կոստանդնուպոլսի պատրիարք Բարդուղիմեոսի հետ: Նոյեմբերի 30-ին հոգեւոր առաջնորդը կշարունակի Ստամբուլի եկեղեցիներ իր այցելությունները:
Ֆրանցիսկոսը 4-րդ պապը կդառնա, որ այցելել է Թուրքիա: Առաջին անգամ այդ երկիր այցելել էր Պողոս պապը՝ 1967թ., այնուհետեւ 1979թ.՝ Հովհաննես-Պողոս II պապը, 2006թ.-ին էլ՝ Բենեդիկտոս XVI պապը: