Ուկրաինայի կառավարությունը հայտարարել է երկրի արեւելյան շրջաններում էներգետիկ ընկերությունների աշխատանքը դադարեցնելու մասին, հայտնում է Deutsche Welle-ն:
Ըստ աղբյուրի՝ էներգետիկայի եւ ածխարդյունաբերության նախարարի համապատասխան կարգադրությունը ուժի մեջ է մտնում նոյեմբերի 28-ից: Նախարարը հրամանը ստորագրել է նոյեմբերի 25-ին: Դրանում նշված է, որ դադարեցվում է հակաահաբեկչական գործողության գոտում գործող ընկերությունների աշխատանքը: Փաստաթուղթը համապատասխան ընկերությունների ղեկավարներին պարտավորեցնում է ձեռնարկությունները տեղափոխել Ուկրաինայի վերահսկողության տակ գտնվող տարածքներ: Նախատեսվում է տարհանել աշխատակիցներին (նրանց համաձայնությամբ), ինչպես նաեւ փաստաթղթերն ու գույքը հնարավորության դեպքում:
