Նոյեմբերի 27-ին Փորձաքննությունների ազգային բյուրո այցելեց Երեւանի քաղաքապետ Տարոն Մարգարյանը ուղեկցող պատվիրակությամբ։
Փորձաքննությունների ազգային բյուրոյի մամուլի պատասխանատու Լանա Մշեցյանը NEWS.am-ին հայտնեց, թե այցի նպատակն էր ծանոթանալ Հայաստանի Հանրապետության առաջատար փորձագիտական կառույցներից մեկի աշխատանքներին, կատարվող փորձագիտական հետազոտությունների հնարավորություններին։ Մասնավորապես, ինչպես հայտնի է, Երեւանի քաղաքապետարանը գործունեության կարեւորագույն ոլորտներից է հանդիսանում քաղաքաշինությունը եւ նորարական բնույթի այլ զարգացման ծրագրերի իրականացումը, ինչպես նաեւ քաղաքային տնտեսության ծառայությունների ամենօրյա աշխատանքի ապահովումը։
Այդ առումով խիստ կարեւոր է կազմակերպել փոխշահավետ համագործակցությունը իրավասու փորձագիտական կառույցի հետ՝ մի կողմից ծրագրերի եւ կատարվող աշխատանքների փորձագիտական ուղեկցման, ինչպես նաեւ գիտակրթական գործունեության մի շարք ակտուալ ուղղություններով, դրանց թվում՝ շինարարական արդյունաբերության, ֆինանսատնտեսագիտական գործունեության, բնապահպանության, հաղորդակցության, թվային տեխնոլոգիաների, առողջապահության, տրանսպորտի եւ այլն։
Ոչ մեկի համար գաղտիք չէ, որ նույնիսկ ունենալով մի շարք տեսչական եւ ստուգող ծառայություններ, խիստ կարեւոր է ժամանակ առ աժամանակ ստանալ վերլուծական բնույթի անկախ տեղեկավտություն, ինչպես այս կամ այն ծրագրի գործարկման կամ ընթացիկ գործունեության որեւէ ուղղությամբ աշխատանքների սկզբնական փուլում, այնպես էլ դրանց կատարման ընթացքում եւ, որ առավել ակտուալ է, դրանց ավարտից հետո կատարված աշխատանքների համապատասխանության եւ արդյունավետության գնահատման ժամանակ։ Այս բոլոր փուլերում, ինչպես ցույց է տալիս զարգացած եվրոպական երկրների փորձը, էական եւ որոշ դեպքերում առանցքային դեր ունեն իրավասու փորձագիտական կառույցները։
Այս առումով Փորձաքննությունների ազգային բյուրոյի հետ համագործակցության պայմանագրի նախապատրաստումը խիստ հրատապ է, առանձնապես հաշվի առնելով այն հանգամանքը, որ տվյալ կազմակերպությունը լայնորեն կիրառում է միջազգային ստանդարտները, ինչպես նաեւ միջազգային փորձը փորձագիտական գործունեության ոլորտում։ Մյուս կողմից, տվյալ համագործակցության պայմանագիրը խիստ օգտակար է նաեւ Փորձաքննությունների ազգային բյուրոյի համար միջազգային համագործակցության ընդլայնման առումով։ Ինչպես հայտնի է, Երեւանի քաղաքապետարանը վերջին տարիներին կարողացել է ուղիղ երկկողմանի կապեր հաստատել մի շարք եվրոպական մայրաքաղաքների, քաղաքների հետ, ինչը ընդլայնում է միջազգային համագործակցության շրջանակները եւ միանշանակ կարող է նպաստել համագործակցության ծրագրերի առաջընթացին բոլոր ուղղություններով, այդ թվում՝ եւ փորձագիտական գործունեության գիտագործնական եւ կրթական ոլորտներով։
Այցի արդյունքներով պայմանավորվածություն է ձեռք բերվել սկսել համագործակցության համատեղ ծրագրերի նախապատրաստումը։
