Նոյեմբերի 27-ին Վանաձոր քաղաքի Շախմատի մասնագիտացված մանկապատանեկան մարզադպրոցում տեղի ունեցավ արագ շախմատի մրցաշար, որի հաղթողները պարգեւատրվեցին արժեքավոր մրցանակներով «Ռոստելեկոմ» ընկերության կողմից: Առաջին երեք տեղերը գրաված մասնակիցները պարգեւատրվեցին բջջային հեռախոսներով, որոնք հետագայում կօգնեն նրանց նաեւ առցանց մրցաշարերի մասնակցել:
Մարզադպրոցի սաները մարզվում են FIDE-ի բարձրակարգ մարզիչների գլխավորությամբ եւ հաճախ մասնակցում են տեղական ու միջազգային մրցաշարերի: Վերջիններս հաճախ անց են կացվում առցանց:
«Ռոստելեկոմի» կողմից արդեն մեկ տարի է՝ 2013թ.-ի հոկտեմբերից, անվճար հիմունքներով գերարագ ինտերնետով է ապահովվել Վանաձորի այս կրթահամալիրը, որպեսզի մարզիկները առցանց մրցաշարերի շնորհիվ առավել մեծ փորձառություն ձեռքբերեն:
«Ռոստելեկոմի» կողմից երիտասարդության շրջանում իրականացվող ծրագրերը բազմաթիվ են, շարունակական բնույթ են կրում եւ միտված են բարձրակարգ մասնագետների նոր սերնդի ձեւավորմանը: