Վրաստանի միավորված բանկի աշխատակից Սանդրո Գիրգվլիանիի սպանությունը երկրի խայտառակությունն է, որը իրագործել են նախկին իշխանությունները: Կառավարության նիստին նման հայատարարությամբ է հանդես եկել Վրաստանի վարչապետ Իրակլի Ղարիբաշվիլին:
Աղբյուրը հիշեցնում է, որ Վրաստանի նախկին նախագահ Միխայիլ Սահակաշվիլիի նկատմամբ նոր մեղադրանք է առաջադրվել, որը վերաբերում է 2006թ. «Վրաստանի միավորված բանկի» աշխատակից Սանդրո Գիրգվլիանիի սպանությանը: Դատախազության տվյալներով՝ Սահակաշվիլին այլ նախկին բարձրաստիճան պաշտոնյաների հետ միասին համաձայնեցված եւ համակարգված գործողությունների շնորհիվ թաքցրել են հանցագործությունը, կեղծել հետաքննությունը:
«Սա շատ ծանր իրադարձություն է, մեր երկրի խայատառակությունը, որը իրագործել են նախկին իշխանությունները: Սա եւս մեկ ապացույց է այն բանի, որ նախկին իշխանությունների օրոք կատարվել են համակարգային սպանություններ, ծանրագույն հանցագործություններ, այդ թվում նաեւ՝ գաղտնալսումներ», - Ընդգծեց Ղարիբաշվիլին:
«Վրաստանի միավորված բանկի» աշխատակից Սանդրո Գիրգվլիանիին սպանված են գտել 2006թ. հունվարի 28-ին, թբիլիսյան բարերից մեկում ՆԳՆ-ի պաշտոնյանների հետ վեճից հետո: