Թրաֆիքինգի տեսանկյունից տղամարդիկ ավելի խոցելի են քան կանայք, Հայաստանում երեխաները պաշտպանված են թրաֆիքինգից: Սրանք են այսօր Երեւանում մեկնարկած բանավեճի թեմաները:
Ազգային բանավեճի մրցույթին, որ կազմակերպել է «Ջինիշյան հիշատակի հիմնադրամը» ԵԱՀԿ երեւանյան գրասենյակի աջակցությամբ, մասնակցում են 40 ուսանող Հայաստանի վեց համալսարաններից՝ Երեւան, Իջեւան, Գավառ, Գյումրի, Գորիս, Կապան եւ Վանաձոր քաղաքներից: Մրցույթը հնարավորություն է տալիս իրենց բարելավելու հանրային խոսքի եւ բանավեճի հմտությունները:
ԵԱՀԿ փորձագետը դասընթաց է վարել մասնակիցների համար թրաֆիքինգի խնդիրների վերաբերյալ ՝ բանավեճի մրցույթի ամփոփիչ փուլին նրանց ավելի լավ պատրաստելու նպատակով: , Մասնակիցները նաեւ վերապատրաստվել են հետազոտական աշխատանքի եւ բանավիճելու լավագույն պրակտիկայի ուղղությամբ:
«Բանավեճերը ձեւավորում են մի հարթակ պրոֆեսիոնալ կամ սկսնակ բանավիճողների համար՝ արտահայտելու իրենց կարծիքները եւ պաշտպանելու իրենց դիրքորոշումները», նշեց Երեւանի պետական համալսարանի Միջազգային հարաբերությունների ֆակուլտետի 2-րդ կուրսի ուսանողուհի Մելինե Գեւորգյանը, ով մասնակցում է բանավեճին: «Այն նաեւ սովորեցնում է քեզ ուշադիր լսել եւ հարգել հակառակորդի փաստարկները»:
Բանավեճի մասնակիցները բաժանվեցին ութ թիմերի՝ յուրաքանչյուրը՝ 5-ական մարդ: Լավագույն երկու թիմերը կհանդիպեն վաղը ամփոփիչ փուլում, որտեղ կորոշվի հաղթողը: Բանավեճը գնահատվում է հասարակական կազմակերպությունների եւ ԵԱՀԿ ներկայացուցիչների կողմից բաղկացած ժյուրիի կողմից:
Բանավեճի ակումբները հիմնադրվել են Հայաստանի մի շարք համալսարաններում «Ջինիշյան հիշատակի հիմնադրամի» կողմից եւ նպատակ ունեն խթանելու քաղաքացիական մասնակցությունը ուսանողների շրջանում: