Մեծ Բրիտանիան սահմանել է մեքենայի ամենաթանկ պետհամարանիշի ռեկորդ՝ աճուրդում «25 О» համարը վաճառելով 518 հազար ֆունտ ստեռլինգով (815 հազար դոլար): Այն գնել է Ferrari ընկերության տեղի մատակարար Ջոն Քոլինզը, փոխանցում է BBC-ի ռուսական ծառայությունը:
Ըստ նրա՝ իրեն հենց այդպիսի գեղեցիկ համար էր պետք 250 SWB Ferrari-ի համար, որը ժամանակին պատկանել է հայտնի կիթառահար Էրիկ Քլեփթոնին:
Քոլինզը խոստովանել է, որ նախատեսել էր ծախսել 300 հազար, սակայն գոհ է գնումից, քանի որ այդ համարով մեքենայի հավանական արժեքը միլիոնով կավելանա: