Եգիպտոսի բանակի գնդապետը սպանվել է Կահիրեի արեւմտյան թաղամասերից մեկի հյուրանոցի մոտակայքում: Բացի այդ, երկու շարքայիններ վիրավորվել են, հայտնում է «Ինտերֆաքսը»:
Եգիպտոսի իշխանությունների տվյալներով՝ անհայտ զինված անձինք կրակ են բացել ավտոմեքենայից, որից հետո անհետացել են դեպքի վայրից: Հարձակումն իրականացվել է եգիպտական քաղաքներում իսլամիստների կողմնակիցների բողոքի ակցիայի մեկնարկից մի քանի ժամ առաջ:
Իշխանությունները հաղորդում են, որ բողոքի ակցիաների նախաշեմին ավելի քան 100 իսլամիստ է ձերբակալվել: Երկրի ՆԳՆ-ից հայտնում են, որ սակրավորները 8 ռումբ են վնասազերծել:
Հիշեցնենք, որ Եգիպտոսի ՆԳՆ-ն ավելի վաղ հաղորդել էր, որ զինծառայողներ ամբողջական մարտական պատրաստության են բերված` զանգվածային բողոքի ակցիայի ժամանակ անվտանգությունը պահպանելու համար, որը նոյեմբերի 28-ին`«ցասման ուրբաթի» շրջանակներում, մտադիր են անցկացենլ իսլամիստները: