Ֆրանսիական Total նավթային ընկերության հետ Ռուսաստանի նախագծերը կարող են ազդել եվրոպական եւ համաշխարհային էներգետիկայի վրա: Այդ մասին հայտարարել է Ռուսաստանի նախագահ Վլադիմիր Պուտինը, գրում է «ՌԻԱ Նովոստին»:
«Մենք ունենք մասշտաբային նախագծեր, որոնք, անկասկած, կարող են ազդել եւ եվրոպական, եւ համաշխարհային էներգետիկայի վրա», - Total ղեկավարության հետ հանդիպման ժամանակ հայտարարել է Պուտինը:
Աղբյուրի փոխանցմամբ՝ «Ռոսնեֆթն» ու ֆրանսիական Total ընկերությունը նոյեմբերի 28-ին ստորագրել են ռուսական ընկերության կողմից Շվեդթ (Գերմանիա) քաղաքի նավթավերամշակող գործարանի 16,67% մասնաբաժնի ձեռբերման հիմնական պայմանները: