Եվրասիական տնտեսական միության ֆինանսական շուկաների տարողությունը կկազմի 3 տրլն դոլար: Նման գնահատական է տվել Եվրասիական տնտեսական հանձնաժողովի կոլեգիայի անդամ Թիմուր Սուլեյմանովը, հայտնում է «ՏԱՍՍ»-ը:
Նրա խոսքով՝ ԵՏՄ-ին անդամակցող պետությունների տարածքում մոտ հազար բանկ է գործառում՝ 250 մլրդ դոլար կապիտալով, վարկային կազմակերպությունների ընդհանուր պաշարները կազմում են ավելի քան 8 տրլն դոլար, իսկ ֆոնդային շուկան գերազանցում է 1 տրլն դոլարը:
Սուլեյմանովը նշել է, որ ԵՏՄ-ի փոխադարձ ներդրումների ծավալը 2013թ. 2012թ.-ի համեմատությամբ աճել է 14%-ով՝ 1,6 մլրդ դոլարից մինչեւ 1,9 մլրդ դոլար: «Ներդրումների ցուցանիշը արտացոլում է երկրների փոխադարձ վստահության մակարդակը», - ընդգծեց նա:
Եվրաիական տնտեսական միությունը միջազգային ինտեգրացիոն տնտեսական միավորում է, որի ստեղծման մասին պայմանագիրը ստորագրվել է 2014թ. մայիսի 29-ին: Այն ուժի մեջ կմտնի 2015թ. հունվարի 1-ից: Միության կազմում են Ռուսաստանը, Բելառուսը, Ղազախստանը եւ Հայաստանը: Մասնակից երկրների ընդհանուր շուկան գնահատվումէ 170 մլն մարդ եւ կազմումէ ահմաշխարհային ՀՆԱ-ի 2,5%-ը: