Մեծ զեղչերի օրը՝ «Սեւ ուրբաթը», այսօր՝ նոյեմբերի 28-ին, Մեծ Բրիտանիան անկարգությունների կենտրոնի է վերածել: Ինչպես հաղորդում է Daily Mail-ը՝ կեսգիշերից հետո ոստիկանությունը հազարավոր խանութներից ահազանգեր է ստացել այն մասին, որ գնումները վերածվել են քաոսի, մարդիկ մինչեւ անգամ բռունցքներով հարվածում են իրար՝ զեղչված ապրանքը ձեռք բերելու համար:
Գնորդների կռվի պատճառով անգլիական Մանչեսթր քաղաքի խանութներից մեկը բացվելուց 36 րոպե հետո փակվել է, մեկ հաճախորդ ձերբակալվել է անձնակազմի անդամին սպառնալու համար: Տասնյակ քաղաքացիներ են ձերբկալվել գողության, հասարարական կարգը խախտելու համար:
Խանութներից մեկում ապրանքի համար պայքարի ժամանակ հեռուստացույցի վայր ընկնելուց մի կին է վիրավորվել:
Միդլթոն քաղաքի խանութներից մեկում հարյուրավոր քաղաքացիներ հրաժարվել են հեռանալ, երբ բոլոր ապրանքները վաճառված են եղել, ոստիկանները ստիպված են եղել միջամտել:
Խանութի վրա հարձակման կասկածանքով 42 տարեկան տղամարդ է ձերբակալվել: