Ամերիկուհին հայտարարել է, որ սեփական աչքերով մարդկային երկու ֆիգուրներ է տեսել տեսանյութում, որը Մարսից հեռարձակել է Viking ռոբոտը: Կինը ներկայացել է որպես NASA-ի աշխատակցուհի: Ջեքին հայտարարել է, որ վերահսկել է Վիքինգի կապը Երկրի հետ:
Ըստ «Օբօզրեւատել»-ի, ամերիկուհին պնդում է, որ մարդիկ Մարսի վրա ոտք են դրել դեռեւս 1979 թվականին եւ, բացի իրենից, եւս վեց մարդ տեսել է Կարմիր մոլորակի վրա տիեզերագնացների ֆիգուրները: Ջեքիի խոսքով, երբ նրանց հետ կապն ընդհատվել է, ինքը դուրս է եկել սենյակից՝ ցանկանալով հաղորդել տեսածի մասին: Դրանից հետո նա վերադարձել է, սակայն սենյակի դուռը փակ է եղել:
Ջեքիին աջակցել են ՉԹՕ-ներին նվիրված բլոգները: Նրանք պնդում են, որ Մարսի վրա իսկապես մարդիկ են եղել: Նաեւ տեսություն կա, որ դեռեւս 1960-ական թվականներին Մարսի վրա գաղտնի կերպով մարդկանց են իջեցրել, իսկ Ապոլլոն ծրագիրն արեւային համակարգի ավելի խորը հետազոտության համար ընդամենը քողարկում էր: