Վենեսուելայի բանտերից մեկում 35 բանտարկյալներ մահացել են դեղերի գերդոզավորումից, հաղորդում է Associated Press-ը:
Բանտարկյալները նոյեմբերի 24-ին սկսել են բողոքել, փորձելով հասնել բանտային պայմանների բարելավման:
Բանտարկյալների մի խմբին հաջողվել է ներթափանցել բանտի հիվանդանոց, որտեղ նրանք տարբեր դեղեր են ընդունել, այդ թվում շաքարային դիաբետի, էպիլեպսիայի եւ արյան բարձր ճնշման դեմ դեղամիջոցներ, հաղորդում է Gazeta-ն:
Իշխանությունների տվյալներով՝ ներկայումս 35 բանտարկյալներ մահացել են գերդոզավորումից, 20-ը գտնվում են կոմայի մեջ, եւս 10-ը բուժում են անցնում:
Նոյեմբերի 28-ին ոստիկանությունը կալանավորել է բանտի պետ Խուլիո Սեզար Պերեսին, որին մեղադրանք կառաջադրվի՝ կապված բանտրակյալների մահվան հետ:
