Ռուսաստանի Պետդումայի միջազգային հարցերի հանձնաժողովի նախագահ Ալեքսեյ Պուշկովը համարում է, որ հետեւելով Ուկրաինայի իշխանությունների տրամաբանությանը, Վրաստանի նախկին նախագահ Միխայիլ Սահակաշվիլին կարող էր դառնալ Ուկրաինայի վարչապետ, որի մասին նա գրել է Twitter-ի իր միկրոբլոգում:
«Պորոշենկոյի նոր խոսքը. Ուկրաինայի ՆԳ նախարարի պաշտոնին հավակնում է Սահակաշվիլիի զինակից վրացին: Իսկ ինչո՞ւ վարչապետ չնշանակել հենց Սահակաշվիլիին»,-գրել է Պուշկովը, հաղորդում, է «ՌԻԱ նովոստին»:
Ավելի վաղ տեղեկատվություն էր տարածվել, որ Ուկրաինայի նախագահ Պյոտր Պորոշենկոն առաջարկել է երկրի ՆԳ նախարարի պաշտոնում նշանակել Զուրաբ Ադեիշվիլիին, որը նախկինում բարձր պետական պաշտոններ է զբաղեցրել Վրաստանում: Մասնավորապես Ադեիշվիլին Վրաստանում զբաղեցրել է արդարադատության նախարարի, պետական անվտանգության նախարարի, գլխավոր դատախազի, ինչպես նաեւ նախագահի աշխատակազմի ղեկավարի պաշտոնները: