Տավուշի մարզի Բերքավան գյուղի բնակիչ Սանասար Աթաբեկյանը մեղադրվում է ուրիշի գույքը փչացնելու մեջ:
Դեկտեմբերի 2-ին ոստիկանության Նոյեմբերյանի բաժնի օպերլիազորներից մեկը նկատել էր, որ Բերքավան գյուղի մոտ գտնվող արագաչափն ու սյունը գետնին է տապալված: Պարզվել է, որ նախորդ օրը գիշերը բերքավանցի Սանասար Աթաբեկյանը գերազանցել էր օրենքով սահմանված արագությունը, իսկ արագաչափ սարքն էլ ֆիքսել էր խախտումը: Սանասարը վերադարձել էր տուն, Զիլ մակնիշի մեքենայով հետ գնացել եւ տապալել սյունն արագաչափով:
Կատարվածի վերաբերյալ հարուցվել է քրեական գործ Քրեական օրենսգրքի 185-րդ հոդվածի հատկանիշներով: Կատարվում է քննություն:
Մանրամասները՝ ոստիկանության պատրաստած տեսանյութում:
