Իտալական Predator's Ltd. ընկերությունը տեղեկացրել է հասանելի սպորտային ավտոմեքենայի թողարկման մասին, որը մատակարարվելու է քիթ-քարի տեսքով. ավտոմասերի հավաքածու, որը նախատեսված է ինքնուրույն հավաքելու համար: Նորույթը, որը մշակողները կոչել են «ամենօրյա մրցավազքային ավտոմեքենա», սերիական արտադրության մեջ դնելու համար ընկերությանն առնվազն 100 հազար դոլար է անհրաժեշտ: Միջոցների հավաքագրումը սկսվել է Indiegogo քրաուդֆանդինգ-ռեսուրսում:
Սպորտային մեքենան նախատեսում են առաջարկել ամբողջությամբ էլեկտրական կամ հիբրիդային ուժային կառուցվածքով, մոտոցիկլի շարժիչի հիմքով: Մեքենայի տեխնիկական բնութագրերի մասին ոչինչ չի հաղորդվում, սակայն ընկերությունում վստահեցնում են, որ այն կարող է երեք վայրկյանի ընթացքում մինչեւ 100 կմ/ժ արագություն զարգացնել, իսկ առավելագույն արագությունը գերազանցելու է 300 կմ/ժ-ը:
Ըստ Motor-ի, հարյուր հազար դոլարը, որն ընկերությունը հույս ունի հավաքել, ծախսվելու է ավտոմեքենան Եվրամիության պահանջներին համապատասխանեցնելու համար, որն անհրաժեշտ է դրա սերտիֆիկացման եւ ընդհանուր օգտագործման ճանապարհներին երթեւեկելու թույլտվության համար: Այն մեքենայի հետ ուղարկելու են դրա պատվիրատուին:
Indiegogo-ում դրամահավաքի հաջող ավարտից հետո նախատեսվում է մեքենան առաջին պատվիրատուներին մատակարարել արդեն 2015 թվականին: