Թուրքիայի արտգործնախարար Մեւլութ Չավուշօղլուն հայտարարել է, թե Թուրքիան ցանկանում է, որ Հայաստանը միանա Հարավային Կովկասի նախագծերին։
Թուրքական Gercekgundem կայքի փոխանցմամբ՝ Հայաստանի հետ սահմանակից Կարս քաղաքում Ադրբեջանի, Վրաստանի եւ Թուրքիայի ԱԳ նախարարների հանդիպումից հետո կողմերը հանդես են եկել մամուլի ասուլիսով, որի ժամանակ Թուրքիայի ԱԳ նախարար Մեւլութ Չավուշօղլուն անդրադարձել Հայաստանին եւ Ղարաբաղի խնդրին։
«Մենք ցանկանում ենք, որ Հայաստանը միանա Հարավային կովկասի նախագծերին։ Բայց նախ պետք է անկեղծ քայլեր անի հարեւանների հետ խնդիրները լուծելու հարցում։ Մենք ուզում ենք, որ Ղարաբաղի հարցը վայրկյան առաջ լուծվի եւ «ադրբեջանական գրավված» հողերը շուտ հետ վերադարձվի։ Խնդիրների կարգավորման համար Հայաստանը պետք է հարգի հարեւանների տարածքային ամբողջականությունը։ Հայաստանը պետք է խաղաղություն հաստատելու ուղղության ջանքեր գործադրի։ Դա ամենից շատ Հայաստանին է պետք»,-ասել է Մեւլութ Չավուշօղլուն։
