Չուրյումով-Գերասիմենկո գիսաստղի վրայի ջուրը տարբերվում է Երկրում եղածից: Փաստացի, տեսությունը, որ Երկրում ջուրն առաջացել է գիսաստղերի ընկնելու հետեւանքով, չի հաստատվել, հաղորդվում է Եվրոպական տիեզերական գործակալության կայքում:
Գիտնականները հայտնել են, որ գիսաստղի վրայի ջրի բաղադրությունում ծանր ջրածնի ծավալը գերազանցում է Երկրի վրայի ջրում եղած ծավալը: «Սա, հավանաբար, բացառում է այն տեսությունը, որ Երկրի վրա ջուրն առաջացել է գիսաստղերի ընկնելու արդյունքում», - գրում է The New York Times-ը՝ մեջբերելով Բեռնի համալսարանի գիտնական Քեթրին Ալթվեգի խոսքերը:
Ըստ Ալթվեգի ՝ ավելի հավանական է, որ ջուրը բերել են աստերոիդները, ոչ թե գիսաստղերը, փոխանցում է NEWSru.com-ը: