Աստանայում տեղի է ունեցել Ռուսաստանի վարչապետ Դմիտրի Մեդվեդեւի եւ Ղազախստանի նախագահ Նուրսուլթան Նազարբաեւի հանդիպումը:
«Ինտերֆաքսի» փոխանցմամբ՝ կողմերը կարեւորել են այն հանգամանքը, որ հունվարի 1-ից կգործի Եվրասիական տնտեսական միությունը եւ վստահություն են հայտնել, որ հետագայում ապրանքաշրջանառությունը կաճի: Նուրսուլթան Նազարբաեւը մասնավորապես նշել է, որ ապրանքաշրջանառության նվազում է գրանցվում միայն դրամական միջոցների կտրվածքով, մինչդեռ գործակցության ֆիզիկական ծավալն աճում է: Նա վստահություն է հայտնել, որ իրադրությունը կբարելավվի ու ԵՏՄ-ին ընդհանուր օգուտ կբերի:
«Դեկտեմբերի 23-ին Մոսկվայում հանդիպում տեղի կունենա: Մենք կվավերացնենք ԵՏՄ-ին Հայաստանի անդամակցության մասին պայմանագիրը: Հավանաբար, Ղրղզստանը պատրաստ կլինի»,- նշել է Նազարբաեւը: