Գիտնականներն այժմ կարող են իմանալ, թե ինչպե՞ս է Մարսը զրկվել մթնոլորտից: Այս մասին գրում է Gazeta.ru-ն՝ վկայակոչելով NASA-ին: Բանն այն է, որ MAVEN արհեստական արբանյակը («Մարսի մթնոլորտի եւ թռչող նյութերի էվոլյուցիա») կարողացել է տվյալներ ստանալ, որոնք հետազոտողներին կօգնեն լուծել գաղտնիքը:
Ըստ ամենայնի, մոլորակի վրա մթնոլորտի անհետացման պատճառն արեւային քամին է. գերիոնացված մասնիկների հոսքը, որոնք դուրս են եկել Արեւի մթնոլորտային վերին շերտերից: Նախկինում գիտնականները ենթադրում էին, որ արեւային քամին չի կարող խորը մխրճվել մոլորակի մթնոլորտ, քանի որ իոնոլորտը կխանգարի դրան: Ամեն դեպքում, MAVEN արբանյակին հաջողվել է ապացուցել, որ այդ կարծիքը սխալ է:
Արբանյակի տվյալների համաձայն, արեւային քամու իոնների մի մասը, հասնելով իոնոլորտին, կորցնում են իրենց ուժն ու չեզոքանում: Այդ վիճակում նրանք կարող են հասնել մթնոլորտի ամենացածր շերտեր, որոնց հասնելով՝ դրանց լիցքավորումը վերադառնում է ելման վիճակին: Գիտնականների խոսքով, այդ գործընթացը հասկանալու դեպքում կկարողանան հասկանալ մթնոլորտի ներքին (կլիմայի ձեւավորման համար պատասխանատու) եւ վերին շերտերի (ինչից էլ սկսվել է մթնոլորտի կորուստը) միջեւ կապը:
