Գեներալ Սեյրան Սարոյանը այսօր՝դեկտեմբերի 16-ին, ԱԺ արտահերթ նիստի ժամանակ խիստ կոլորիտային ելույթ ունեցավ: Նա պատգամավորներին կոչ արեց «կուլտուրական» բառեր օգտագործելու փոխարեն հասարակ ժողովրդի լեզվով ասել ճշմարտությունը:
Ադրադառնալով ՀԱԿ խմբակցության պատգամավոր Արամ Մանուկյանին ծեծի ենթարելու շուրջ բարձրացված աղմուկին՝ Սեյրան Սարոյանը նկատեց, որ կատարվածի համար մեղավոր են նաեւ ԱԺ պատգամավորները, որոնք ժամանակին նկատողություն չեն արել եւ չեն ապտակել իրենց գործընկերոջը՝ Արամ Մանուկյանին, նախագահ Սերժ Սարգսյանին հրապարակավ հայհոյելու համար:
«Արամ Մանուկյան, դու կուլտուրական տղա ես, ինչ գործ ունես խալխի մորերի հետ: Քֆուր տալ գիտես, պատասխան տալը չգիտե՞ս. մի հատ ապտակ ես մռթիդ կերել, սաղ աշխարհը խառնել ես իրար»,-ասաց Սեյրան Սարոյանը:
Գեներալ-պատգամավորը նաեւ նկատեց, որ եթե ինքը կամ Շմայսը հայհոյում են, «դա ջայնամ», սակայն Արամ Մանուկյանի նման կուլտուրական մարդը պետք է չհայհոյի:
Սեյրան Սարոյանը պատգամավորներին առաջարկեց չմիջամտել՝ նշելով, որ «եթե Արամ Մանուկյանը քֆուր է տվել, ինքն էլ պիտի պատասխան տա»:
Սեյրան Սարոյանը նաեւ կոչ արեց չխառնվել ազատամարտիկների եւ փոխոստիկանապետ Լեւոն Երանոսյանի միջեւ տեղի ունեցած միջադեպին, քանի որ նրանք ընկերներ են, կկռվեն կբարիշեն, իսկ պատգամավորները ամոթով կմնան:
