Հայաստանից կարելի է հագուստ արտահանել Եվրամիություն, NEWS.am-ի թղթակցին ասել է «Բրատեքս» ՍՊԸ-ի գլխավոր տնօրեն, իտալացի գործարար Սթեֆանո Ֆաբրիսը ՀՀ էկոնոմիկայի նախարար Կարեն Ճշմարիտյանի մոտ կայացած թեթեւ արդյունաբերողների խորհրդակցությունից հետո:
Բարդություններ կան եւ քիչ չեն, սակայն ընկերությունն առաջ է շարժվում: Չեն բավականացնում մասնագետներն ու տեխնիկան, ղեկավարող կադրերը, սարքավորումների մասերը: «Պատահում է, որ անգամ ասեղը չի բավականացնում, բայց ձեռքներս ծալած չենք նստում: Ինչ պակասում է, ձեռք ենք բերում, ինչը չի ստացվում, շտկում ենք: Մի խոսքով, եվրոպական չափանիշներին տանող ուղին երկար է եւ բարդ, բայց մենք այն անցնում ենք»,- հավելել է իտալացի մասնագետը:
Դրա համար, հավելել է նա, կարգին պետք է լինեն արտադրության բոլոր կողմերը: Հարկավոր են մասնագետներ եւ ժամանակակից սարքավորումներ, ինչպես նաեւ նրանց հանդեպ լավ վերահսկողություն: «Իսկ մասնագետները չեն հերիքում, այդ պատճառով նրանց տեղում ենք սովորեցնում»,- նկատել է Ֆաբրիսը:
