Քաղավիացիայի նախկին պետ Սամվել Մարգարյանի որդին՝ 26-ամյա Սուրեն Մարգարյանը, նախնական տեղեկություններով, ինքնասպանություն է գործել: Այս մասին հայտնեց NEWS.am-ի քննությանը մոտ կանգնած աղբյուրը:
Մեր տեղեկություններով՝ Սուրեն Մարգարյանը ամուսնալուծված է, այդ քայլին դիմել է ընտանիքում վիճաբանությունից հետո: Ասում են, թե երիտասարդը պարտքեր է ունեցել, ինչն էլ դրդել է ինքնասպանության:
Ավելի վաղ հայտնել էինք, որ Երեւանում, դեկտեմբերի 16-ի վաղ առավոտյան Շենգավիթ համայնքում, կաշեգործների փողոցում գտնվող մի տնակում հայտնաբերվել է երիտասարդի դի` հրազենային վնասվածքով: Ավելի ուշ պարզվել է, որ նա 26-ամյա Սուրեն Մարգարյանն է: Նախնական տեղեկություններով, ինքն է երկփողանի որսորդական հրացանից կրակել իր պարանոցի շրջանում: Շրջանառվում է վարկած նաեւ, որ իրեն են կրակել:
Նշված դեպքով հարուցվել է քրեական գործ, մանրամասները կպարզվի նախաքննության ավարտից հետո:
NEWS.am-ին հայտնի է դարձել, որ Սուրեն Մարգարյանը Քաղավիացիայի նախկին պետ Սամվել Մարգարյանի որդին է: