Ադրբեջանը մանկագիրների պակաս ունի: Ադրբեջանական մամուլը հայտնում է, որ Ադրբեջանի կրթության նախարարությունն այդ հարցով դիմել է Գրողների միությանը:
Պարզվել է, որ Ադրբեջանը մանկական գրականության խիստ կարիք ունի:
Ըստ նախարար Միքայիլ Ջաբարովի՝ ստեղծագործությունների բովանդակությունը չի կարող նշվել պաշտոնյաների եւ կրթության աշխատակիցների կողմից: Միեւնույն ժամանակ նա կարծում է, որ նախարարությունն ուսուցիչների եւ դպրոցների տնօրենների առաջ չի կարող դնել համաշխարհային մակարդակով մանկական գրականություն ստեղծելու հարցը:
Նախարարը նշել է, որ ներկայումս բազմաթիվ դպրոցներում ստեղծվում են ընթերցանության ակումբներ: Վերջերս մանկական գրականության մրցույթ է հայտարարվել, որի նպատակն է խթանել հետաքրքրությունը մանկական գրականության հանդեպ: