Ոստիկանության Վայոց ձորի մարզային վարչության ուղեկցող ջոկի ծառայողները, դեկտեմբերի 15-ին, ժամը 19.30-ին, Գետափ գյուղի «Խնձորանոցներ» կոչվող հանդամասից, գողություն կատարելու կասկածանքով, բերման են ենթարկել 18-ամյա Կարեն Ս.-ին եւ 59-ամյա Զորիկ Դ.-ին՝ վերջինիս վարած «ԶԻԼ 130» մակնիշի ավտոմեքենայով:
Ոստիկանության մամուլի ծառայությունից հայտնում են, որ պարզվել է, որ Զորիկ Դ.-ն դեկտեմբերի 15-ին, ժամը 17.00-ի սահմաններում, Գետափ գյուղի վարչական տարածքում գտնվող մի ընկերության պատկանող անասնագոմի տարածքից գողացել է տանիքի ազբեստյա ծածկոցներ /շիֆեր/:
Վնասի չափը պարզվում է:
Կատարվում է հետաքննություն:
