Բելառուսի համար ռուսական գազի սակագինը 2015 թ. 168 դոլարից կնվազի մինչեւ 154-155 դոլարի՝ հազար խմ-ի դիմաց, դեկտեմբերի 17-ին լրագրողներին հայտնել է Բելառուսում Ռուսաստանի դեսպան Ալեքսանդր Սուրիկովը:
«Այժմ նոր պայմանագիր է ստորագրվում: Կարելի է սպասել գազի սակագնի նվազեցում՝ 168 դոլարից մինչեւ 154-155 դոլար», - հայտարարել է դեսպանը, փոխանցում է ԲԵԼՏԱ-ն:
Ավելի վաղ Բելառուսի փոխվարչապետ Վլադիմիր Սեմաշկոն հայտարարել էր, որ նոր պայմանագիրը սկզբունքորեն չի տարբերվում եղածից, որի ժամկետը լրանում է 2014 թ. դեկտեմբերի 31-ին: Նա պարզաբանել է, որ նոր պայմանագրում նույն սակագինն է: Միեւնույն ժամանակ Սեմաշկոն նշել է, որ ռուսական ռուբլու արժեզրկման կապակցությամբ 2015 թ. Բելառուսի համար գազի մուտքի սակագինը կարող է կազմել շուրջ 154-155 դոլար՝ հազար խմ-ի դիմաց, նախկինի 168 դոլարի փոխարեն:
