NEWS.am-ի թղթակցի մտքերը «շարունակել» է սպորտի եւ երիտասարդության հարցերի նախարար Գաբրիել Ղազարյանը:
Ես սիրում եմ Հայկական Նոր տարին, որովհետեւ
ամանորյա տոները մեզ հնարավորություն են տալիս հանդիպել այն հարազատ-բարեկամ-ընկերների հետ, ում հետ աշխատանքային զբաղվածության պատճառով ուշ-ուշ ենք հանդիպում:
Ձմեռ պապիկի նվերները բացելիս՝ միշտ մտքովս անցել է, որ
կյանքում հրաշքներ իսկապես լինում են:
Հիշում եմ, երբ առաջին անգամ բացահայտեցի, որ Ձմեռ պապ չկա
փոքր տղա էի, սակայն «տղամարդու» պես տարա մանկական հիասթափությունս:
Երբ ժամացույցի սլաքը կանգնում է ուղիղ 12:00-ի վրա, հասկանում եմ, որ
ազդարարվում է եւս մեկ տարվա սկիզբ՝ լի նորանոր անելիքներով եւ ծրագրերով:
Նոր տարին սկսվում է այն ժամանակ, երբ
ընտանիքիս բոլոր անդամների հետ տոնական սեղանի շուրջ հավաքված, ժամացույցի ղողանջների ներքո շնորհավորում ենք միմյանց:
Հայկական Ամանորն անհնար է պատկերացնել՝ առանց
տոնական սեղանի եւ անկեղծ բարեմաղթանքների:
Իմ Ամանորի սեղանին պետք է պարտադիր լինեն
համեղ ուտեստներ, որովհետեւ, ինչպես ընկերներս են ասում, ես «աղ ու հացով» մարդ եմ եւ սիրում եմ բոլորին լավ հյուրասիրել:
Ձմեռ պապիկից այս տարի խնդրելու եմ
առողջություն եւ ավելի շատ աշխատանքային էնտուզիազմ ինձ համար, իսկ Հայաստանի համար՝ խաղաղություն, կայունություն եւ զարգացում:
