Հայաստանը վերակառուցման գերմանական KfW բանկից 50 մլն եվրո կտանա: Վարկային համաձայնության նախագծին հավանություն է տրվել կառավարության այսօրվա՝ դեկտեմբերի 18-ի նիստի ընթացքում:

Միջոցները կուղղվեն Ախուրյան գետի Կապսի ջրամբարի վերականգնման համար: Տեխնիկական աջակցության նպատակով եւս 2 մլն եվրո գրանտ կտրամադրվի: Ջրամբարի ծավալը կկազմի 25 մլն խմ, այն կօգնի Ախուրյան գետի վերին հոսանքի ջրերի կառավարմանը:

Միջոցները կտրամադրվեն 15 տարի ժամկետով՝ 5 տարի արտոնյալ ժամկետով, իսկ տոկոսադրույքը կհաստատվի պայմանագրի ստորագրման օրը: