Բելառուսի նախագահ Ալեքսանդր Լուկաշենկոն երկրի կառավարությունից պահանջում է Ռուսաստանի հետ հաշվարկները դոլարով կամ եվրոյով վարել:
«Կառավարության առաջ խնդիր է դրվել առեւտուրը ոչ թե ռուբլով, այլ դոլարով իրականացնել, քանի որ էներգակիրների համար մենք ռուբլով չենք վճարում, այլ դոլարով: Սա, ի դեպ, Ռուսաստանի հետ կառավարության աշխատանքի թերությունն է: Հարկավոր էր աշխատել եւ նրանցից եւս պահանջել, որ մեզ կայուն արժույթով վճարեն՝ դոլարով կամ եվրոյով», — հայտարարել է Լուկաշենկոն Մինսկում կայացած տնտեսական հարցերով խորհրդակցության ընթացքում, հայտնում է «ՌԻԱ Նովոստին»:
