OPEC-ի նավթային «զամբյուղի» (OPEC Reference Basket of crudes) գինը դեկտեմբերի 17-ին նվազել է 0,27 դոլարով կամ 0,48% -ով՝ հասնելով բարելի դիմաց 55,64 դոլարի:
«Զամբյուղի» միջին գինը սեպտեմբերին 100 դոլարից իջել եւ հասել էր 95,98 դոլար միջին ցուցանիշի: Հոկտեմբերին միջին գները կազմել էին 85,06 դոլար, նոյեմբերին՝ 75,57 դոլար: Ընթացիկ գինը դեկտեմբերին կազմում է 62,27 դոլար: OPEC-ի նավթային «զամբյուղն» ընթացիկ տարում կազմում է միջինը 97,62 դոլար:
2013թ. զամբյուղի միջին արժեքը կազմել էր 105,87 դոլար, 2012թ.՝ 109,45 դոլար, 2011թ.՝ 107,46 դոլար, 2010թ.՝ 77,45 դոլար:
«Զամբյուղի» գնային ռեկորդ էր գրանցվել 2008թ. հուլիսի 3-ին՝ 140,73 դոլար բարելի դիմաց, հայտնում է «ՌԻԱ Նովոստին»:
OPEC-ի նավթային «զամբյուղի» արժեքը որոշվում է որպես նավթի հետեւյալ տեսակների թվաբանական միջին արժեք՝ Saharan Blend (Ալժիր), Girassol (Անգոլա), Oriente (Էկվադոր), Iran Heavy (Իրան), Basra Light (Իրաք), Kuwait Export (Քուվեյթ), Es Sider (Լիբիա), Bonny Light (Նիգերիա), Qatar Marine (Քաթար), Arab Light (Սաուդյան Արաբիա), Murban (ԱՄԷ) եւ Merey (Վենեսուելա):