Արժութի փոխարժեքի վայրիվերումները հանգեցրել են առեւտրի անորոշությանը: Այդ մասին այսօր՝ դեկտեմբերի 18-ին, լրագրողներին հայտարարեց Հայաստանի արդյունաբերողների եւ գործարարների միության նախագահ Արսեն Ղազարյանը:
Նա նշեց, որ փոխարժեքների հաճախակի տատանումները հանգեցրել են նրան, որ առեւտրի սուբյեկտները չգիտեն՝ որքանով գնեն նախկին փոխարժեքով գնված ներկրվող ապրանքները, որպեսզի կորուստներ չունենան: «Բնականաբար, փոխարժեքի անկումները մեծ կորուստների ռիսկեր են պարունակում, որոնց ներկրողներն այսօր պատրաստ չեն», - նշեց Ղազարյանը: Նա հույս հայտնեց, որ շուկան ինքը կկարգավորի իրավիճակը: