Եթե Կենտրոնական բանկի նախագահի հայտարարությունը մի քանի օր առաջ արվեր, արժութային շուկան ավելի արագ կկայունանար: Այդ մասին այսօր՝ դեկտեմբերի 18-ին, լրագրողներին հայտարարեց Հայաստանի արդյունաբերողների եւ գործարարների միության նախագահ Արսեն Ղազարյանը:
Նա նշեց, որ Կենտրոնական բանկի նախագահ Արթուր Ջավադյանի երեկվա ելույթից արդեն մի քանի ժամ անց հայկական դրամի փոխարժեքը սկսեց բարձրացնալ: «Նման ազդանշանները շատ կարեւոր են շուկայի համար, քանի որ հույզերն այստեղ մեծ դեր են խաղում: Այո, մեր շուկան ազատական է, սակայն արժույթի հետ կապված սպեկուլյացիաները, այդ թվում նաեւ՝ սեւ շուկայում, պետք է խստագույնս պատժվեն», - հավելեց Ղազարյանը:
Երեկ երեկոյից սկսած՝ դրամը սկսել է կտրուկ ամրապնդվել:
