Արժույթի շուկան կշարունակի կայունանալ, դեկտեմբերի 18-ին լրագրողներին ասել է ՀՀ տարածքային կառավարման եւ արտակարգ իրավիճակների նախարար Արմեն Երիցյանը:
Հարցին՝ նկատել է ինքն արդյոք խափանումներ մանրածախ առեւտրում, Երիցյանը ժխտողական պատասխան է տվել: «Ես տեսել եմ՝ ինչ է կատարվում եւ երեկ, եւ այսօր: Ինչպես տեսնում եք, փոխարժեքը սկսել է եւ շարունակում է կայունանալ: Շատ խիստ անհանգստանալու հիմքեր, կարծում եմ, չկա»,- հավելել է Երիցյանը:
Երեկ երեկոյան ժամերից սկսած դրամը սկսել է կտրուկ ամրապնդվել: