Մենք տեսանք, որ Հայաստանի տնտեսությունը բավականին խոցելի է ռուսական նավթի գների տատանումների տեսակետից այն դեպքում, երբ մեր երկիրը դեռ Եվրասիական տնտեսական միության մասնակից-երկիր չէ: Այդ մասին այսօր՝ դեկտեմերի 18-ին, Հայաստանի Ամերիկյան համալսարանում «Հայաստանի ինտեգրացիոն քաղաքականության հեռանկարները» թեմայով հետազոտական աշխատանքի ներկայացման ժամանակ հայտարարեց հետազոտական խմբի ղեկավար, պատմական գիտությունների թեկնածու, Հայաստանի Ամերիկյան համալսարանի դոցենտ Վահրամ Տեր-Մաթեւոսյանը: Նշենք, որ հետազոտությունն իրականացվել է «Միջազգային հարաբերությունների նորվեգական ինստիտուտի» («Norwegian Institute of International Affairs – NUPI») աջակցությամբ:
Տեր-Մաթեւոսյանի խոսքով՝ տնտեսական կայունության բանաձւը, որը մեզ ներկայացվել ԵՏՄ-ին Հայաստանի անդամակցության դեպքում, իրականում իրեն չի արդարացրել: Նա ընդգծեց, որ հետազոտության մեջ հիմնական փաստարկները ապացուցում են, որ Մաքսային միությանը Հայաստանի անդամության մասին սեպտեմբերի 3-ի որոշումն ընդունվել է՝ հաշի առնելով անվտանգության գործոնը: «Երբ որոշման ընդունումը հասնում է ամենաբարձր մակարդակին, այսինքն՝ անվտանգության մակարդակին, հասարակական կարծիքը հաշվի չի առնվում», - ասաց Վահրամ Տեր-Մաթեւոսյանը: Նրա համոզմամբ՝ իշխանություններն ընտրել են կարճաժակետ եւ երեւութական օգուտը: