Ռուսաստանցի կինոռեժիսոր Էլդար Ռյազանովի վիճակը վատացել է եւ ծայրահեղ ծանր է գնահատվում, հայտնել են Բուրդենկոյի անվան ԳՀԻ-ից, որտեղ նա գտնվում է:
Հայտնի ռեժիսորը նոյեմբերի 24-ին տեղափոխվել էր Բուրդենկոյի անվան ԳՀԻ: Առողջապահության բաժանմունքից այն ժամանակ հայտնել էին նրա կայուն վիճակի մասին, իսկ հաջորդ առավոտյան ԳՀԻ-ի բժիշկները ռեժիսորի վիճակը գնահատել էին ծանր:
Անցյալ շաբաթ կինոռեժիսորին այցելել էր Բակուլեւի անվան սրտանոթային վիրաբուժության գիտական կենտրոնի պրոֆեսոր Բագրատ Ալեքյանը, որը վիրահատել է Ռյազանովին: Ալեքյանի հետ զրույցից հետո կենտրոնի ղեկավար Լեո Բոքերիան ռեժիսորի վիճակը դրական էր գնահատել:
«Ռյազանովի մոտ չեն թողնում հարազատներին, այդ թվում նաեւ՝ կնոջը: Նրա վիճակը ծայրահեղ ծանր է, նա վերակենդանացման բաժանմունքում է», - հայտնում է «Մոսկվա» գործակալությունը՝ վկայակոչելով ԳՀԻ-ի ներկայացուցիչներին: