Հակառակորդի կրակի տակ գտնվող սահմանամերձ գյուղերի տարածքները հարկերից կազատվեն: Համապատասխան որոշումն ընդունվել է կառավարության այսօրվա՝ դեկտեմբերի 18-ի նիստին:
Արտոնությունից կօգտվեն 32 սահմանամերձ գյուղեր, սակայն միայն այն հողերը, որոնք հակառակորդի ռազմական գործողությունների կամ գնդակոծությունների հետեւանքով չեն օգտագործվում: Գույքահարկից կազատվի նաեւ կրակի գոտում գտնվող անշարժ գույքը: Արտոնությունը կտարածվի ինչպես ֆիզիկական անձանց, այնպես էլ կազմակերպությունների եւ ձեռնարկությունների վրա:
Ցուցակում ներառված են Տավուշի մարզից 24 գյուղ, Վայոց Ձորի մարզից՝ 5, Գեղարքունիքի մարզից՝ 2, Արարատի մարզից՝ 1 գյուղ:
