Կառավարությունը հաստատել է փոստային ծանրոցների ստացման պարզեցված հայտարարագիրը: Համապատասխան որոշման նախագիծը կառավարության այսօրվա՝ դեկտեմբերի 18-ին, ներկայացրել է ֆինանսների նախարար Գագիկ Խաչատրյանը:
Մասնավորապես նախատեսվում է, որ ծանրոցը կմաքսազերծվի ուղարկողի հայտարարագրի մեջ նշված գնի հիման վրա: Դրա համար Հայաստանում կընդունվեն Համաշխարհային փոստային միության մի շարք նմուշների հիման վրա պարզեցված ձեւեր (CN 22, CN 23 եւ CP 72)
Հաշվի առնելով, որ մինչեւ 20 կգ եւ մինչեւ 150 հազար դրամ արժեքով ծանրոցների դեպքում հայտարարագիր չի պահանջվում, նշված դրույթը տարածվում է 150 հազար դրամ եւ ավելի արժեքով ծանրոցների դեպքում, որոնց վրա հաստատված է 2,5% մաքսատուրք:
Ինչ վերաբերում է իրավաբանական անձանց, ապա նրանց համար հայտարարագրի պարզեցումը տարածվում է 15 հազար դրամից ավելի արժեքով ծանրոցների վրա: