Մոտակա ապագայում BMW կոնցեռնը կշարունակի ջրածնային վառելիքով աշխատող ավտոմեքենաների թեստավորումը, հաղորդում է Autocar-ը:
Ընկերությունն արդեն փորձարկել է ջրածնային շարժիչներով ավտոմեքենաներ. 2007թ. նման թեստեր են անցել BMW-ի 256 ձիաուժ հզորությամբ, 6,9 լիտր ծավալով, V12 շարժիչով 7-րդ սերիայի 100 մեքենաներ: Այժմ ընկերությունը Toyota-ի հետ միասին ջրածնային շարժիչով ավտոմեքենաների նոր սերունդ է մշակում, հայտնում է Gazeta-ն
Ընդ որում, BMW-ի ներկայացուցիչները մտավախություն ունեն, որ ջրածնով աշխատող ավտոմեքենաների համար ենթակառուցվածքի ստեղծումը բավականին թանկ կլինի: Ընկերությունում վստահ են, որ ամբողջ աշխարհում ներքին այրման շարժիչները շուտով կփոխարինվեն լիթիումային մարտկոցներով եւ էլեկտրաշարժիչներով:
Հիշեցենք, որ կոնցեռնը մտադիր է նման մեքենաների արտադրությամբ աշխարհում զբաղեցնել երրորդ հորիզոնականը: BMW i3 ավտոմեքենան վաճառքի կհանվի 2015թ.: Հաղորդվում է BMW i5 ապագա մոդելը հագեցած կլինի ներկայումս Toyota FCV-ում տեղարված շարժիչի բարելավված տարբերակով: