Իրանը հաջորդ շաբաթ «Մուհամեդ-Աստծո առաքյալ» պայմանական անունով լայնամասշտաբ ռազմական մանեւրներ կիրականացնի: Դրանում կմասնակցեն երկրի ցամաքային զորքերը, ռազմաօդային, ռազմածովային եւ հակաօդային պաշտպանության ուժերը, հայտարարել է Իրանի զինված ուժերի հրամանատարի տեղակալ, բրիգադային գեներալ Աբդուլռահիմ Մուսավին:
Նրա խոսքով՝ մանեւրների հիմնական մասը տեղի կանցկացվի դեկտեմբերի 23-ից մինեւ 31-ը՝ ընդգրկելով նաեւ ծովային շրջանները՝ Հնդկական օվկիանոսի հյուսիսը, Պարսից ծոցի եւ Օրմուզի նեղուցի շրջանը՝ ավելի քան 2 մլն քմ տարածքով, հայտնում է «ՏԱՍՍ»-ը: