Երեւանում որոշ տաքսիներ բարձրացրել են նվազագույն սակագինը: Այս մասին NEWS.am-ի թղթակցին հայտնել է տաքսիստների շահերի պաշտպանությամբ զբաղվող «Քաղաքացիական նախաձեռնություն» ՀԿ-ի նախագահ Գեւորգ Դոստուրյանը:
«Հիմա 600 դրամի փոխարեն որոշ տաքսիներ սկսել են վերցնել 700-800 դրամ: Այդկերպ նրանք փորձում են հարմարվել գազալցակայաններում գազի գնի բարձրացմանը, այնպես որ պատճառն օբյեկտիվ է»,-հայտարարել է Դոստուրյանը: Այդուհանդերձ, գները բարձրացրել են ոչ բոլոր տաքսիները:
Նշենք, որ հայկական դրամի փոխարժեքի անկմամբ պայմանավորված նոյեմբերի վերջին գազալցակայաններում բարձրացել է սեղմված գազի գինը՝ 170-180 դրամից հասնելով 220-230 դրամի մեկ խմ-ի համար:
