Դոլարի փոխարժեքը դեռ այս վերջին դեպքերից առաջ անհասկանալի էր: Այս մասին NEWS.am-ի թղթակցի հետ զրույցում նշել է «Լյուքս» կոշիկի ֆաբրիկայի տնօրեն Գագիկ Բաղդասարյանը: Նրա խոսքով՝ խնդիրը արտարժույթի փոխարժեքի առքի ու վաճառքի մեծ տարբերությունն է, որը շարունակվում է 10 տարի:
Դոլարի առք ու վաճառքի միջեւ տարբերությունը կազմում է 10-17 տոկոս, ինչը հասկանալը շատ բարդ է, ասել է Բաղդասարյանը: «Այդ երեւույթն այսօր չի հայտնվել, այլ միշտ է եղել: Դրանում մենք լրջորեն պարտվում ենք: Դոլարը փոխարկում ենք դրամի շատ ցածր գնով եւ կորցնում արտահանման մեջ: Հումքի համար դոլար ենք գնում բարձր գնով եւ նորից կորցնում ենք»,-ընդգծել է նա:
