Հարավային Կորեայի Սահմանադրական դատարանն արգելել է քաղաքական կուսակցության գործունեությունը՝ 1948թ. Սահմանադրության ընդունումից հետո առաջին անգամ:
Ութ դատավորների քվեով դատարանը որոշել է ցրել ընդդիմադիր «Միացյալ առաջադիմական կուսակցությունը», որը հայտնի է հյուսիսկորեական ռեժիմի հանդեպ իր համակրանքով:
Կուսակցությունը խորհրդարանի 300 տեղից 5-ն էր զբաղեցնում, փոխանցում է «Ռենհապը»:
Կուսակցության գործունեությունը արգելելու հայց էր ներկայացրել երկրի արդարադատության նախարարությունը, քանի որ կուսակցության որոշ անդամներ կալանավորվել էին հակապետական դավադրության մեղադրանքով:
Քննության տվյալով՝ նրանք մտադիր էին ԿԺԴՀ-ի հետ նոր պատերազմ սկսելու դեպքում հեղաշրջում կատարել, փոխանցում է «ՌԻԱ Նովոստին»:
